"Bakı" "Atletiko"nu məğlub etdi

İspaniyada təlim-məşq toplantısı keçirən “Bakı”nın U-14 komandası dünən ilk yoxlama oyununa çıxıb və meydanı qalibiyyətlə tərk edib. Futbolxeber.az-ın klubun rəsmi saytına istinadən verdiyi məlumata görə, səhər “Atletiko”nu bazasında məşq edən U-14 komandasının üzvləri axşam saatlarında yoldaşlıq oyunu çərçivəsində madridli həmyaşıdları ilə qarşılaşıblar. Şakir Seyidov və Mirnahid Quliyevin qolları ilə 2:1 hesablı qələbə qazanan komandamızın göstərdiyi səviyyəli oyunla diqqətləri cəlb etdiyi vurğulanır.

Bu gün U-14-ün üzvləri Madridə ekskursiyaya çıxacaqlar, axşam isə Visente Kalderon stadionunda “Atletiko”nun ev oyununu izləyəcələr.