“Araz-Naxçıvan”la “Səbail”in oyunu qapalı keçiriləcək

“Araz-Naxçıvan” və “Səbail” arasında sabah keçiriləcək yoxlama oyununun məkanı və başlama vaxtı açıqlanıb.

Fubtolxeber.az saytının məlumatına görə, bu barədə Naxçıvan klubunun mətbuat xidməti məlumat yayıb.

“Azersun Arena”da keçiriləcək qarşılaşma saat 15:00-da başlayacaq. Oyun azarkeşlərlə yanaşı, jurnalistlər üçün də qapalı olacaq.

Qeyd edək ki, bu “Səbail”in yeni ildə ilk, Naxçıvan klubunun isə ikinci yoxlama oyunu olacaq. Elmar Baxşıyevin komandası yanvarın 9-da “Sumqayıt”la qarşılaşıb (2:2).