“Qəbələ” hazırlığa başladı

“Qəbələ” mövsümün ikinci hissəsinin hazırlığına start verib.

Futbolxeber.az-ın klubun saytına istinadən verdiyi məlumata görə, I Liqada 11-ci turun dekabrın 24-də keçirilən “Mingəçevir”lə oyunundan sonra istirahətə buraxılan “qırmızı-qaralar” bu gün bir araya gəlib.

Komanda qış təlim-məşq toplanışına Qəbələdə başlayıb. 2025-ci ilin ilk məşqi Qəbələ şəhər stadionunda olub. Futbolçular öncə fiziki hazırlıq keçib, ardınca toplu və topsuz çalışmalar yerinə yetiriblər.

Qeyd edək ki, hazırlıq prosesində üç yoxlama oyunu nəzərdə tutulub.