Vaqif Cavadov və futbolçuları sumqayıtlılara səsləndi: “Dəstəyinizə ehtiyacımız var”

Azərbaycan Premyer Liqasının XVI turunda “Sumqayıt” öz meydanında “Neftçi”ni qəbul edəcək.

Futbolxeber.az saytının məlumatına görə, vacib qarşılaşma öncəsi komandanın baş məşqçisi Vaqif Cavadov və futbolçuları azarkeşlərə səsləniblər:

“Əziz sumqayıtlılar! Sizi ilin son ev oyununa dəvət edirik. Sizin dəstəyinizə ehtiyacımız var”. 

Bu arada "Sumqayıt" - "Neftçi" matçına bilet satışı davam edir. Azarkeşlər biletləri iTicket.az saytı ilə yanaşı, Mehdi Hüseynzadə adına stadionun kassasına yaxınlaşıb əldə edə bilərlər. Kassada bilet satışı oyun saatına kimi davam edəcək. Biletlərin qiyməti sektorlardan asılı olaraq 2, 3, 5 və 10 manatdır.

Onu da qeyd edək ki, "Sumqayıt" - "Neftçi" qarşılaşmasından öncə Mehdi Hüseynzadə adına Sumqayıt şəhər stadionunun ərazisində fan-zona təşkil olunacaq. Fan-zonada bir sıra maraqlı oyunlarda iştirak edə bilərsiniz. 

Xatırladaq ki, dekabrın 7-də keçiriləcək "Sumqayıt" - "Neftçi" oyunu 18:00-da start götürəcək.