“İnanıram ki, kuboku “Neftçi” qazanacaq”

“Xoş sözlərə görə təşəkkür edirəm. Reallıq odur ki, mənim üçün belə, bugünkü oyunda favorit “Neftçi” idi”. Futbolxeber.az-ın məlumatına görə, bu sözləri “Neftçi” ilə oyundan sonra “Kəpəz”in baş məşqçisi Azər Məmmədov deyib. O, “Neftçi”nin kuboku qazanacağına inandığını qeyd edib: “Komandalarımız bir-birinə əzəli rəqib olub, sağlam rəqabət aparmışıq. Əvvəlki illərdə komandalarımız arasındakı oyunlar derbi kimi sayılırdı. İndi vəziyyət ö cür olmasa da, komandaya var gücü ilə oynamağı, futbolçulara öz bacarıqlarını göstərməyi tapşırmışdım. Oyuna görə komandaya minnətdaram. Rəqibi qələbə ilə təbrik edirəm. İnanıram ki, kuboku “Neftçi” qazanacaq”.