U-17 millimizdən heç-heçə

17 yaşadək futbolçulardan ibarət Azərbaycan millisi Avropa çempionatının seçmə mərhələsində bu gün növbəti oyununu keçirib.

Futbolxeber.az saytının məlumatına görə, İlham Yadullayevin baş məşqçisi olduğu komanda 3-cü matçında Rumıniya ilə üz-üzə gəlib.

Qarşılaşma heç-heçə yekunlaşıb. İlk hissədə hesabda geri düşən millimiz fasilədən sonra məğlubiyyətdən qaça bilib.

Xatırladaq ki, U-17 millimiz daha əvvəl Yunanıstana 0:3, Macarıstana isə 0:4 hesabı ilə məğlub olub.

Bu gün keçirilən qrupun digər oyunu - Yunanıstan - Macarıstan matçı 2:2 hesabı ilə yekunlaşıb.

Bu nəticələrdən sonra Yunanıstan 7 xalla qrup qalibi olub. 5 xal toplayan Macarıstan ikinci, 2 xala sahib Rumıniya isə üçüncü yeri tutub. Seçmə mərhələni 1 xalla başa vuran Azərbaycan yığması ilə qrup sonuncusu olub.

Avro-2025-in seçmə mərhələsi

19 noyabr

Azərbaycan (U-17) - Rumıniya (U-17) - 1:1

Qollar: Rares Koman, 40 (0:1), Əlibəy Mahmudov, 82 (1:1)