Elvin Məmmədov: “Bu gün üçün 1 xal bizi sevindirir”

“Yaxşı oyun oldu. Çalışdıq ki, 4 günlük periodda komandamıza kömək edək. Nə qədər alındı, ya alınmadı sonranın işləridir. Bu gün üçün 1 xal bizi sevindirir”.

Futbolxeber.az saytının məlumatına görə, bu sözləri “Səbail”i “Turan Tovuz”la oyuna baş məşqçi kimi çıxaran Elvin Məmmədov deyib.

O, komandada çatışmayan məqamları belə açıqlayıb: “Çox nüanslar var. Birinci nüans fiziki durumdur. Bunu düzəltsək, yaxşı yerlərə gələcəyik”.

E.Məmmədov baş məşqçi kimi fəaliyyətini davam etdirib-etdirməməyin klub rəhbərliyindən asılı olduğunu söyləyib: “Rəhbərliyə təşəkkür edirəm. Bu mikrostikslə bizə kömək, dəstək oldular. Komandanın başına gəldik. Rəhbərlik nə qərar versə, canla-başla razıyam”.