Rəqibini vurduğu üçün "Sabah"ın inzibatçısı 6 oyunluq cəzalandı

Bu gün İntizam Komitəsinin iclası keçirilib.

Futbolxeber.az saytının məlumatına görə, iclasda aşağıdakı qərarlar qəbul edilib:

28 sentyabr 2024-cü il tarixində AFFA Gənclər Liqasında keçirilən “Sabah” FK - “Qarabağ” FK oyununda “Qarabağ” FK komandasının heyətində 3 nömrəli futbolçu Səbuhi Niftiyev qarşılaşmanın 20-ci dəqiqəsində ciddi kobud oyuna görə qırmızı vərəqə ilə cəzalandırılması görə 2 oyun cəzalandırılsın. (maddə 39.1)
 
28 sentyabr 2024-cü il tarixində AFFA Gənclər Liqasında keçirilən “Sabah” FK - “Qarabağ” FK oyununda “Qarabağ” FK komandasının köməkçi məşqçi Məhəmməd Bədəlbəyli qarşılaşmanın 90+3-cü dəqiqəsində meydana daxil olaraq hakimin qərarına etiraz etdiyinə görə qırmızı vərəqə ilə cəzalandırılması görə 2 oyun cəzalandırılsın. (maddə 42.3)
 
28 sentyabr 2024-cü il tarixində AFFA Gənclər Liqasında keçirilən “Sabah” FK - “Qarabağ” FK oyununda “Qarabağ” FK komandasının fiziki hazırlıq üzrə məşqçisi Səid Hacıyev qarşılaşmanın 90+3-cü dəqiqəsində meydana daxil olaraq hakimin qərarına etiraz etdiyinə görə qırmızı vərəqə ilə cəzalandırılması görə 2 oyun cəzalandırılsın. (maddə 42.3)
 
28 sentyabr 2024-cü il tarixində AFFA Gənclər Liqasında keçirilən “Sabah” FK - “Qarabağ” FK oyununda “Sabah” komandasının inzibatçısı Aslan Surxayzadə rəqibi vurduğuna görə 3 oyun şərti olmaqla 6 oyun cəzalandırılsın (maddə 40.3, 40.11)