Premyer Liqada 20 ildə ilk dəfə

“Kəpəz” Azərbaycan Premyer Liqasının 2024/25 mövsümünə 7 məğlubiyyətlə başlayıb.

Futbolxeber.az saytının PFL-ə istinadən verdiyi məlumata görə, bu, son 20 ildə ilk belə hadisədir.

Startda ardıcıl 7 məğlubiyyət alan sonuncu komanda “Şəfa” idi. Bakı klubu 2004/05 mövsümündə bu qədər görüşdə xal qazanmayıb.

Azərbaycan çempionatları tarixində ümumilikdə 6-cı dəfə bir komanda mövsümün ilk 7 oyununu xalsız başa vurub. “Şəfa” və “Kəpəz”dən əvvəl Kürdəmir “Şirvan”ı 1992, Sumqayıt “Xəzər”i 1994/95, “Şəmkir” 1996/97, Quba “Şahdağ”ı 2000/01 mövsümümdə belə uğursuzluq yaşayıb.

Qeyd edək ki, “Kəpəz” yeddinci məğlubiyyətini “Şamaxı” ilə matçda alıb - 0:2.