“Sumqayıt”dan azarkeşlərə çağırış: “Dəstəyinə ehtiyacımız var”

“Sumqayıt” klubu azarkeşlərinə çağırış edib.

Futbolxeber.az saytının məlumatına görə, klubun sosial şəbəkə hesablarında yer alan çağırışda deyilir:

“Əziz “Sumqayıt” azarkeşi! Sənin dəstəyin, bizim gücümüzdür. Bu çətin dönəmlərdə dəstəyinə ehtiyacımız var. Biletini al, bazar günü doğma komandanı qələbəyə səslə!”

Xatırladaq ki, “Sumqayıt” Azərbaycan Premyer Liqasının VII turu çərçivəsində sentyabrın 22-də, bazar günü öz meydanında “Zirə”ni qəbul edəcək. Matç 20:30-da start götürəcək.