“Turan Tovuz” və “Araz-Naxçıvan”dan qələbə

Azərbaycan Premyer Liqasında 5-ci tura start verilib.

Futbolxeber.az saytının məlumatına görə, ilk oyun günündə iki görüş keçirilib.

Əvvəlcə lider "Turan Tovuz" "Səbail"i qəbul edib. Matç meydan sahiblərinin qələbəsi ilə başa çatıb. 5 oyuna 4 qələbə qazanan və 1 heç-heçə edən Kurban Berdıyevin komandası 13 xalla liderliyini davam etdirir.

Digər oyunda isə "Sumqayıt" evdə "Araz-Naxçıvan"la qarşılaşıb. Oyun qonaqların qələbəsi ilə başa çatıb.

Qeyd edək ki, turun digər matçları 31 avqust - 1 sentyabr tarixlərində keçiriləcək.

Azərbaycan Premyer Liqası

V tur

30 avqust (cümə)

“Sumqayıt” - “Araz-Naxçıvan” - 0:1

Qol: Miço Kuzmanoviç, 56

Hakimlər: Cavid Cəlilov, Müslüm Əliyev, Kamran Bayramov, Kamran Əliyev

Mehdi Hüseynzadə adına Sumqayıt şəhər stadionu

“Turan Tovuz” - “Səbail” - 1:0

Qol: Alexandro Serrano, 33

Hakimlər: Rəşad Əhmədov, Rəhman İmami, Cəmil Quliyev, Rəvan Həmzəzadə

Tovuz şəhər stadionu,

31 avqust (şənbə)

17:00. “Şamaxı” - “Neftçi”

19:30. “Kəpəz” - “Sabah”

1 sentyabr (bazar)

20:45. “Zirə” - “Qarabağ”

Bombardirlər: Davit Volkov ("Zirə") - 3 qol, Riçard Almeyda ("Qarabağ"), Xəyal Nəcəfov ("Turan Tovuz"), Ayman Bouali, Suleyman Alluş (hər ikisi "Səbail") - 2 qol