Sami Mmae: “Qarabağ”la oyun bizim üçün çətin keçəcək”

“Dinamo”nun futbolçusu Sami Mmae Çempionlar Liqası pley-off mərhələsinin "Qarabağ"la cavab oyunundan öncə baş tutan mətbuat konfransında iştirak edib.

Futbolxeber.az saytının məlumatına görə, mərkəz müdafiəçisi əvvəlcə görüş haqda fikirlərini açıqlayıb:

- Rəqib komanda öz doğma evində oynayır. Bu oyun bizim üçün çətin keçəcək. Bizim bütün diqqətimiz və fokusumuz matçı yaxşı səviyyədə keçirməkdir ki, növbəti mərhələlərə addım ata bilək.

- Ötən mövsüm "Dinamo" PAOK və "Sparta"ya böyük hesabla uduzmuşdu. Sabahkı oyunda belə mənzərəni təsəvvür edirsiniz?

- Özümüzə inanırıq. Gücümüzün olduğunu düşünürük. Həmin oyunlarda iştirak etməmişəm.

- "Ferentsvaroş"un heyətində "Qarabağ"a qarşı oynamısınız. Sabahkı atmosferin necə olacağını gözləyirsiniz?

- Bəli, həmin matçı xatırlayıram. Oyun çətin keçmişdi. Azarkeşlər tərəfindən "Qarabağ"a güclü dəstək var idi. Sabahkı oyunda da bunu gözləyirik.