“Neftçi” yeni müdafiəçi transfer edir

“Neftçi” qarşıdakı saatlarda yeni transferini rəsmiləşdirəcək.

Futbolxeber.az saytının məlumatına görə, bu barədə klubun media üzrə koordinatoru Rüstəm Əfsərli bu gün keçirdiyi mətbuat konfransında deyib.

O bildirib ki, yeni transfer sol cinah müdafiəçisidir: “Bu gün artıq yeni futbolçumuz tibbi müayinədən keçəcək. Alınsa bu gün, alınmasa sabah yeni transferimizi açıqlayacağıq. Mövqeyi isə sol cinah müdafiəçisidir”.

R.Əfsərli qeyd edib ki, yeni legionerin gəlişi bunadək klubla eyni mövqedə olan Azər Əliyevlə Azər Salahlıya heç bir təsir göstərməyəcək: “İkisi də komandada qalır. Hansı futbolçunu hansı mövqedə oynatmaq baş məşqçinin qərarıdır”.