Pyatsa: "Bakıya böyük inamla gedəcəyik"

"Yaxşı oyun, yaxşı nəticə oldu. Rəqib hücumlara atılanda daha çox qol vura bilərdik. Şikayət etməyəcəm, bu, yaxşı nəticədir. Bakıya böyük inamla gedirik".

 

Futbolxeber.az saytının məlumatına görə, bu sözləri Zaqreb "Dİnamos"unun üzvü Marko Pyatsa UEFA Çempionlar Liqasının pley-off mərhələsinin "Qarabağ"la ev oyunundan sonra deyib.

 

Oyunda ilk qolu vuran xorvatiyalı yarımmüdafiəçi buna görə xoşbəxt olduğunu bildirib: "Maksimirə qayıtdıqdan sonra rəsmi oyunda ilk qolu vurmaq rahatlıq gətirir Çox xoşbəxtəm. Ən çox da komandaya görə.sevinirəm. Mövsümün ilk avrokubok oyununda “Maksimir”də  qol vuruduğum üçün şadam".

 

"Yuventus"un sabiq üzvü cavab matçı haqda da danışıb. O, 3:0 hesablı qələbəyə baxmayaraq, Bakıda çox ehtiyatlı oynamalı olduqlarını deib: "Düşünmürəm ki, hər şey həll olunub. "Qarabağ" nə qədər yaxşı komanda olduğunu göstərdi. Mütləq özümüzə inanmalıyıq. Amma onları bizdən zəif qəbul etməməliyik. "Qarabağ"ın ilk hissədə çox imkanları oldu. Cavab matçı ərəfəsində rəqibə çox hörmətlə yanaşmalıyıq".

 

Qeyd edək ki, "Qarabağ"la "Dinamo" arasında cavab qarşılaşması avqustun 28-də Tofiq Bəhramov adına Respublika stadionunda keçiriləcək.