“Sabah” “Koper”i məğlub etdi

Yaya hazırlığını Sloveniyada keçirən "Sabah" bu gün təlim-məşq toplanışı çərçivəsində ilk yoxlama oyununa çıxıb.

Futbolxeber.az saytının məlumatına görə, Krunoslav Renduliçin rəhbərlik etdiyi kollektiv  yerli "Koper" komandası ilə qarşılaşıb və 1:0 hesabı ilə qalib gəlib. Yeganə qolu 43-cü dəqiqədə Abdulla Xaybulayev vurub.

Qeyd edək ki, "Sabah" Sloveniyada daha 3 yoxlama oyunu keçirəcək. Komanda iyulun 10-da Serbiyanın “Çukariçki”, 13-də Ukraynanın “Krivbass”, 17-də isə Ukraynanın “Rux” (Lvov) klubu ilə qarşılaşacaq.