20 Iyul 2024, Şənbə
"Neftçi" "Ərzurumspor"la heç-heçə etdi
"Şamaxı"da belçikalı hücumçu
Millimizin rəqibi müəyyənləşdi
“Zirə” penaltilərlə məğlub oldu

Ölkə futbolu

Ceyhun Nuriyev: “Hər iki oyunda meydanda özünəinamlı Azərbaycan millisi var idi”

Millimizin yarımmüdafiəçisi Ceyhun Nuriyevin Futbolxeber.az saytına müsahibəsi

 

- Millimizin yoxlama oyununda Qazaxıstan üzərində əzmkar qələbə qazandı. 3:2 hesablı qalibiyyəti necə şərh edərdiniz?

- Oyuna pis başladıq. Bəlkə də ilk dəqiqələrin həyəcanı idi. Amma ümumi götürdükdə oyunda diktə edən tərəf, dominant olan biz idik. İlk 15-20 dəqiqəni çıxsaq, sona kimi nəzarət tərəfimizdə idi. Qol epizodlarımız çox oldu. Bu da bizə qələbə qazanmaq şəraiti yaradırdı. Boşluqlar çox tapdıq. Qol epizodlarından yalnız üçünü reallaşdırdıq. Ümumilikdə layiqli qələbə qazandıq.

- Matça uğursuz başlamağa səbəb nə idi?

- Konkret səbəb yoxdur. Ola bilər ilk dəqqələrin verdiyi həyəcan idi. Rəqib erkən 2 qol vurdu. Lakin tez toparlana bildik.

- 0:2-dən sonra geridönüş edəcəyinizə inanırdınız?

- Bəli, geridönüş edəcəyimizə inanırdıq. Rəqibi tanıyırdıq. Qazaxıstan millisini iki gün analiz etmişdik. İnamımız var idi. Bilirdik ki, rəqib müdafiədə boşluqlara yol verir. Bundan yararlanmaq lazım idi. Biz də bunu bacardıq.

- Demək olar ki, Qazaxıstan üzərində qələbə millimizin gələcəyinə ümidlə baxmağa imkan verir?

- Millimiz get-gedə oyunçu baxımından inkişaf edir. Son zamanlar daha yaxşı oyun sərgiləyirik. Lakin bununla kifayətlənməməliyik. Bizdən üstün, daha güclü komandalara qarşı yaxşı çıxış etməliyik.

- Macarıstan toplanışı milliyə nə verdi?

- Hər iki oyunda meydanda özünəinamlı Azərbaycan millisi var idi. İlk matçda Albaniyaya uduzsaq da, yaxşı oynadıq. Unutmaq olmaz ki, Albaniya millisi Avropa çempionatını iştirakçısıdır. Güclü komandadır. Buna baxmayaraq, onlara qarşı çox layiqli mübarizə apardıq. Fərdi səhvlər olmasaydı, qalib gələ bilərdik. İkinci matçda da dediyim kimi, inamlı çıxış etdik, əzmkar qələbə qazandıq. Bu iki oyun yığmamız üçün yaxşı keçdi.

- Artıq milli komandamızın yeni baş məşqçisi məlumdur. Fernandu Santuşun təyinatını necə dəyərləndirirsiniz?

- Santuş çox tanınmış mütəxəssisdir. Portuqaliya millisi ilə birgə Avropa çempionu olub, eləcə də Millətlər Liqasını qazanıb. Bütün bunlar özlüyündə Santuş barədə çox şey deyir. Portuqaliyalı mütəxəssisi iş başında daha yaxından tanıhyacağıq. Düşünürüəm ki, uğurlu olacaq. Mənə bir futbolçu kimi xeyirli olsun demək düşür.

İbrahim CƏFƏROV




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Iyul 2024
B.eÇ.aÇC.aCŞB
01 02 03 04 05 06 07
08 09 10 11 12 13 14
15 16 17 18 19 20 21
22 23 24 25 26 27 28
29 30 31