Qurban Qurbanov millinin baş məşqçi seçiminə niyə qatılmayıb?

"İşçi qrupu ilə müzakirələr aparıldı, onların da fikri nəzərə alındı. Konkret olaraq hər şeyi açıqlaya bilmərik. Yalnız onu deyim ki, bu seçimdə hər kəsin mövqeyi nəzərə alınıb”.

Futbolxeber.az saytının məlumatına görə,  bu sözləri AFFA-nın İcraçı vitse-prezidenti Sərxan Hacıyev deyib.

O, Qurban Qurbanovun dünən AFFA İcraiyyə Komitəsinin onlayn formatda keçirilən iclasına qatılmamasına da münasibət bildirib.

S.Hacıyev qeyd edib ki, mütəxəssis öz xahişi ilə toplantıda iştirak etməyib: “İclasda yalnız bir məsələ, milli komandamızın baş məşqçi məsələsi müzakirə olunacaqdı. Qurban Qurbanov daha əvvəl milli komandamızın baş məşqçisi olub. Məhz bu həssaslığını nəzərə alaraq, o, öz xahişi ilə iclasa qatılmadı. Biz də Qurban müəllimin istəyi ilə razılaşdıq”.