“Səbail” ukraynalı legionerlə Türkiyədə müqavilə imzalayacaq

"Səbail" heyətini yeni legionerlə gücləndirir.

Futbolxeber.az saytının məlumatına görə, paytaxt klubu Portuqaliyanın "Lusitaniya" klubunda çıxış edən Dmitro Litvinlə razılıq əldə edib.

27 yaşlı müdafiəçi yeni klubunun düşərgəsinə Türkiyədə qoşulacaq. Belə ki, Litvin “Səbail”in Bakıdakı deyil, qardaş ölkədə hazırlıq prosesinə qoşulacaq. Onunla rəsmi müqavilə də Ərzurumda imzalanacaq.

Qeyd edək ki, Dmitro Litvin karyerası ərzində "Aveş", "Fafe", "Benfika" B, "Zarya"(Luqansk), "Olimpik" (Donetsk), "Akron" (Tolyatti), "SKA-Xabarovsk", "Klaksvik" klublarında oynayıb.

Əlavə edək ki, Dmitro Litvinin “Səbail”ə transfer olunması ilə bağlı xəbəri ilk olaraq Sportlife.az saytı yayımlayıb.