4 Aprel 2025, Cümə
Millimiz FİFA reytinqində gerilədi
Samir Abasov: “İnam 100 faiz var”
Elmar Baxşıyevdən qələbə şərhi
II Liqada XIX tura start verildi

Ölkə futbolu

Araz Abdullayev: "Rəşad Sadıqova təşəkkürümü meydanda bildirəcəm"

“Zirə”nin yeni transferi Araz Abdullayev “Qəbələ”yə qarşı keçirilən Azərbaycan kubokunun ilk yarımfinal matçından sonra jurnalistlərin suallarını cavablandırıb. Futbolxeber.az saytı 32 yaşlı futbolçunun müsahibəsini təqdim edir:

 

- “Qəbələ” ilə matçda “Zirə”nin heyətində debüt etdiniz. Təəssüratlarınız necədir?

- Komandaya, baş məşqçiyə təşəkkür edirəm ki, mənə etimad göstərdilər, özümü göstərməyim üçün imkan yaratdılar. Mən də çalışıram məşqlərdə və oyunlarda etimadı doğruldum. Məqsədim gələcəkdə komandama daha çox fayda verməkdir.

- Ümumiyyətlə, “Zirə”yə keçidiniz necə alındı?

- Mənə jest etdilər. Bəzi dostlar və Rəşad müəllim sağ olsun. Çətin vaxtda mənə dəstək oldu. Buna görə ona təşəkkürümü bildirirəm. Əsas təşəkkürümü isə meydanda oyunumla bildirəcəm.

- Hələ yanvarda “Zirə”yə qoşulmaq üzrə olduğunuz deyilirdi. Həmin vaxt keçid niyə baş tutmamışdı?

- İndi alınıbsa, deməli, qismət belə imiş. Keçmişə yox, gələcəyə köklənmişəm.

- Mövsümün əvvəlində Kosovo klubuna transfer olundunuz. Qışda isə karyeranızı Gürcüstanda davam etdirmək ehtimalı var idi...

- Tək Gürcüstan yox, Qazaxıstandan da təklif almışdım. Lakin onlarla anlaşa bilmədik. Halbuki klubun düşərgəsində də olmuşdum. Amma alınmadı. Yenə deyirəm, hazırda bütün fikrimi “Zirə”nin uğurlarına yönəltmişəm. 

- Gələcəkdə yenidən legioner həyatı yaşamaq barədə düşünürsünüz?

- Bəli, düşünürəm. Əvvəl fikirlər fərqli idi. Düşünürdük ki, kimsə 30 yaşa çatıbsa, deməli, daha xaricə yollanmaq üçün gecdir. Lakin indi fərqli düşünürəm. Əgər məşqlərə ciddi yanaşırsansa, nizam-intizama riayət edirsənsə, yuxu rejiminə diqqət yetirirsənsə, uzun müddət yaxşı formada qalmaq mümkündür.

- Son illər tez-tez klub dəyişirsiniz. “Zirə”də nə qədər qalmağı planlaşdırırsınız?

- İndi bu barədə çox düşünmürəm. Sadəcə bərpa olmağa köklənmişəm. Burda daha əvvəl biryerdə oynadığım şəxslərlə işləyirəm. Müqaviləm mövsümün sonuna kimidir. Razılıq olsa, sözləşməni daha 1 il müddətinə uzada bilərik. İndiki məqamda yalnız mövsümün son hissəsinə köklənmişəm.

- Millidə Rəşad Sadıqovla birgə oynamısınız, bu gün o, sizin baş məşqçinizdir. Futbolçu Rəşad Sadıqovla məşqçi Rəşad Sadıqov arasında hansı fərqlər var?

- Rəşad Sadıqovu hamımız tanıyırıq. Gözümüzü açandan onu millinin kapitanı kimi görmüşük. Sadıqovla işləmək mənim üçün həm rahatdır, həm də çətindir. Rahatdır ona görə ki, bir-birimizi çox yaxşı tanıyırıq. Çətin tərəfi isə odur ki, onun etimadını doğrultmalıyam.

- Klubda hər şey qaydasında getsə, Araz Abdullayevi yenidən millidə görə bilərik?

- Hər bir azərbaycanlı futbolçunun məqsədi millidə oynamaqdır. Avrokuboklarda da Azərbaycanı təmsil edirik. Bu da, millidə oynamaq da şərəfdir. İmkan düşsə, niyə də yenidən millidə forma geyməyim?!

- Buna inam var?

- İnam həmişə var. Hər zaman inamlı olmuşam. Maksimum dərəcədə əlimdən gələni edəcəm ki, mənə etimad göstərən şəxslərin ümidlərini puç etməyim.

Fərəc ASLANOV








Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Aprel 2025
B.eÇ.aÇC.aCŞB
01 02 03 04 05 06
07 08 09 10 11 12 13
14 15 16 17 18 19 20
21 22 23 24 25 26 27
28 29 30