Medinanın avtomobilinə zərər vurulub

“Qarabağ”ın futbolçusu Kevin Medina xoşagəlməz halla üzləşib.

Futbolxeber.az saytının məlumatına görə, Azərbaycan kubokunun yarımfinal mərhələsinin “Neftçi” ilə ötən gün keçirilən ilk oyunundan sonra naməlum şəxs və ya şəxslər Medinanın avtomobilinə ziyan vurublar.

Kolumbiyalı müdafiəçi instaqram səhifəsində arxa şüşəsi qırılan avtomobilinin şəklini paylaşaraq hadisəni törədənlərə müraciət edib: "Bu, mənim maşınımın oyundan sonrakı vəziyyətidir. İnsanların belə hallarda ehtiyatlı davranması və hörmət etməsi lazımdır. Ailəm maşında ola bilərdi və bu mənim üçün təhlükəli hal idi. Öz adımdan xahiş edirəm ki, bir daha heç kim üçün belə təhlükəli vəziyyət yaratmayın".