Diniyev: "6 xallıq oyun idi"

“Matçın nəticəsi ədalətli idi. Hər iki komanda qalib gələ və ya məğlub ola bilərdi”.

Futbolxeber.az saytının məlumatına görə, bu sözləri “Səbail”in baş məşqçisi Şahin Diniyev Azərbaycan Premyer Liqasının 28-ci turunda “Turan Tovuz”la heç-heçə etdikləri (1:1) oyun barədə danışarkən deyib.

Təcrübəli mütəxəssis qələbəyə yaxın olduqlarını bildirib: “Turan Tovuz” inkişaf edən komandadır. Rəqibin yaxşı hücum xətti var. Bizim üçün çətin oldu. Müdafiədə səhvlərimiz var idi. Düşünürəm ki, qələbəyə yaxın idik. Oyun dinamik keçdi. Heç bir komanda kompromisə getmək istəmirdi. 6 xallıq oyun idi. Qazanılan 1 xal bizim üçün qızıla bərabərdir, çempionatının sonunda bu, bizə kömək edəcək”.