“Səbail” növbəti mövsümə aşağı diviziondan başlayacaq?

Bu gün mediada “Səbail” PFK-nın AFFA-nı məhkəməyə verməsi xəbəri dərc edilib. Əslində bu məsələ göründüyü kimi deyil.

Məsələ “Səbail” ilə hazırda məhkəmə çəkişməsində olan “Araz-Naxçıvan”ın futbolçusu Tural Bayramlıya görədir.

Belə ki, ötən ay AFFA-nın Apellyasiya Arbitraj Tribunalı “Səbail”in sabiq futbolçusuna 70 min manat ödəməli olduğuna dair qərar çıxarmışdı.

Əldə etdiyimiz məlumata görə, paytaxt klubunun sponsoru bu məbləği ödəməkdən imtina edir. Hətta sponsor bunu komandanın növbəti mövsüm üçün lisenziya almamaq təhlükəsi ilə üz-üzə qaldığı bir dövrdə etməkdən belə çəkinmir.

Belə olacağı təqdirdə, “Səbail” növbəti mövsümə böyük ölçüdə aşağı divizonda başlamalı olacaq.

Futbolxeber.az