“Srvena Zvezda” yenidən Sankt-Peterburqa gedir, bəs “Neftçi”?

İyulda Sankt-Peterburqda keçiriləcək ənənəvi “Matç TV” kubokunun iki iştirakçısı məlumdur.

Futbolxeber.az saytının “Metaratings”ə istinadən verdiyi məlumata görə, bu barədə açıqlamasında “Zenit”in rəhbər şəxslərindən olan Aleksandr Medvedev deyib.

O qeyd edib ki, “Zenit”lə yanaşı, Serbiyanın “Srvena Zvezda” klubu iyulda Sankt-Peterburqda keçiriləcək ənənəvi beynəlxalq turnirdə iştirak edəcək.

“Digər iştirakçıların adlarını isə biz tezliklə bəyan edəcəyik”, - deyə Medvedev bildirib.

Xatırladaq ki, ötən ilin iyulun 1-dən 15-dək Sankt-Peterburq şəhərində təşkil olunan ənənəvi “Matç TV” turnirində “Neftçi” də iştirak etmişdi. “Ağ-qaralar” turnir çərçivəsində “Zenit”, “Srvena Zvezda” və “Fənərbaxça” klubu ilə qarşılaşmışdı.

“Neftçi”nin yenidən sözügedən turnirə qatılacağı hələlik məlum deyil.