“Neftçi” - “Spartak” oyunundan öncə 1 dəqiqəlik sükut gözlənilir

Bu gün “Neftçi” və “Spartak” (Moskva) arasında keçiriləcək yoxlama matçından əvvəl Rusiya paytaxında törədilmiş terror qurbanlarının xatirəsinin anılacağı gözlənilir.

Futbolxeber.az saytının məlumatına görə, “Neftçi”dən “Matç TV”yə verilən açıqlamada bildirilib ki, klub tərəfindən oyunun 1 dəqiqəlik sükutla başlaması üçün müəyyən addım atılması nəzərdə tutulur. “Neftçi” hadisəni böyük faciə adlandırıb.

“Neftçi Arena”da keçiriləcək “Neftçi” - “Spartak” oyunu saat 18:00-da başlanacaq.

Qeyd edək ki, dünən Moskvadakı “Krokus Siti Holl”da terror aktı törədilib. Son məlumata görə, ölənlərin sayı 82-ə çatıb, 100-dən çox yaralı var.