Eddi İsrafilov: “Millinin formasını geymək mənim üçün şərəfdir”

“Azərbaycan millisinin formasını geymək çətin üçün şərəfdir”.

Futbolxeber.az saytına açıqlamasında bu sözləri milli komandamızın və “Neftçi”nin yarımmüdafiəçisi Eddi İsrafilov deyib.

O, hər zaman yığmanın uğuru üçün əlindən gələni etdiyini bildirib: “Sevinirəm ki, yenidən milliyə dəvət almışam. Bu, mənim üçün çox xoşdur. Millidə olarkən komandanın uğuru üçün əlimdən gələni edirəm. Qarşıdakı matçlar da istisna olmayacaq. Şans veriləcəyi halda bütün gücümü meydanda qoyacam ki, komandama xeyrim dəysin”.

32 yaşlı futbolçu hazırda yığmaya rəhbərlik edən Arif Əsədovu yaxşı tanıdığını vurğulayıb: “Arif Əəsdov çox yaxşı insan və çox yaxşı məşqçidir. Onu yaxşı tanıyıram. Şadam ki, hazırda Əsədovun rəhbərliyi altında çalışırıq. Lakin gələcəklə bağlı bir söz deyə bilmərəm. Seçim hüququ AFFA-ya məxsusdur”.

Fərəc ASLANOV