Kamal Quliyev: "Aşağı yaş qruplarında çalışmağım yox, işləməməyim geriyə addım olar" (Özəl)

"Bəli, "Neftçi"yə qayıtmağım düzgün xəbərdi. Bu barədə danışıq olub. İnşallah, sabah məsələ tam dəqiqləşməlidir". Bu sözləri Futbolxeber.az saytına verdiyi açıqlamada bir müddət əvvəl "Neftçi"dən ayrılan Kamal Quliyev deyib.

Yenidən "ağ-qaralar"a qayıdan veteran futbolçu bu dəfə aşağı yaş qrupu üzrə komandada çalışacaq: "Hələlik hansı yaş qrupu üzrə komandada çalışacağım bəlli deyil. Dediyim kimi, sabah bütün bu məsələlərə aydınlıq gələcək. Amma baş məşqçi olacağım dəqiqdir".

Son 3 ildə "Neftçi"nin əsas komandasında məşqçi kimi çalışan Kamal Quliyev aşağı yaş qruplarında çalışmağı geriyə addım hesab etmir: "Yox, bu fikirlə razı deyiləm. Bunu ayıb saymıram. Aşağı yaş qruplarında çalışmağım yox, işləməməyim geriyə addım olar. İşsiz qalmaq məgər yaxşıdı? Əsas odur ki futbolun içində olasan. Son 3 ildə böyük təcrübə qazanmışam. Hətta deyədim ki həmin təcrübəni bəzi məşqçilər heç 30-40 ildə qazana bilməyiblər. Bundan sonra da qazandığım təcrübəni gənclərlə, yeniyetmələrlə bölüşəcəyəm. Öyərnikdiklərimi praktikada həyata keçirəcəyəm".