Ölkə futbolu
Taleh Nəsibov: “Göstərdiyimiz qayğı, yaradılan şərait yalnız çempionluğa oynamağı tələb edir”
Azərbaycan Minifutbol Federasiyasının vitse-prezidenti, “Zirə” futbol klubunun prezidenti Taleh Nəsibovun Futbolxeber.az saytına müsahibəsi
“KEÇƏN İLLƏ MÜQAYİSƏDƏ ÇEMPİONATIN SƏVİYYƏSİNİN ARTMASI GÖZ ÖNÜNDƏDİR”
- Minifutbol üzrə ölkə çempionatının IX turunun mərkəzi oyununda “Zirə” son çempion “Birbaşa Bakı” üzərində 4:1 hesablı qələbə qazandı. Qarşılaşma barədə nə deyə bilərsiniz?
- Bu matça çox böyük maraq var idi. Özünüz də gördünüz ki, tribunada xeyli sayda azarkeş matçı canlı izləyirdi. Həm “Zirə”, həm də “Birbaşa Bakı” çempionatın əsas favoritləridir. Turnir cədvəlində ilk iki pillədə qərarlaşıblar. Son illər bu kollektivlər arasında gərgin mübarizə gedir. Bu gün də baxımlı oyuna şahidlik etdik. Hər iki komanda gözəl oyun sərgilədi. “Birbaşa Bakı” uduzsa da, çox istəkli idi. Amma “Zirə” daha üstün idi və 3 top fərqli ilə qələbə qazandı.
- “Zirə” tarixində ilk dəfə “Birbaşa Bakı”nı məğlub etdi. Düşünmək olar ki, “Zirə” nəhayət bu mövsüm əsas rəqibinin hegemonluğuna son qoyaraq çempion olacaq?
- İndidən bunu demək bir qədər çətindir. Həm də nəzərə almaq lazımdır ki, “Birbaşa Bakı”nın baş məşqçi vəzifəsində dəyişiklik olub. Ötən mövsüm komandaya çempionluq qazandıran rumıniyalı mütəxəssis yenidən kollektivə qayıdıb. Marius çox təcrübəli məşqçidir. Daha əvvəl Rumıniya millisini də çalışdırıb. Baş məşqçidən, eləcə də çempionatın sonluğundan çox şey asılıdır.
- Cari mövsüm cəmi 9 tur geridə qalsa da, son çempion “Birbaşa Bakı” artıq 2 dəfə uduzub. Demək olar ki, bu, həm də çempionatın səviyyəsinin artmasının göstəricisidir?
- Bəli, bu mövsüm təkcə “Zirə” və “Birbaşa Bakı”nın deyil, digər kollektivlərin də səviyyələri artıb. Ola bilər ki, hansısa komandada müəyyən çatışmazlıqlar olsun. Amma yenə də keçən illə müqayisədə çempionatın səviyyəsinin artması göz önündədir. Maksimal dərəcədə çalışırıq ki, çempionatın səviyyəsini artıraq. Komandalar heyətlərini yeni transferlərlə gücləndirirlər. Həm böyük futboldan, həm futzaldan oyunçular cəlb olunur. Onlar perspektiv gördükləri üçün minifutbola meyl edirlər. Bizim minifutbolu inkişaf etdirmək, bütün bu işləri görməkdə məqsədimiz odur ki, milli komandamız dünya və Avropa çempionatlarında uğur qazansın. Minifutbol federasiyasının rəhbərliyi olaraq Azərbaycan bayrağının yüksəkdə olması üçün əlimizdən gələni edirik. İstər bizim, istərsə də baş məşqçi Elşad Quliyevin amalı, məqsədi birdir - milli komandamız yüksək səviyyədə olsun.
“ÇAĞIRIŞIMIZA İLK QOŞULAN RİAD RƏFİYEV OLDU”
- Ötən mövsümün sonunda futbol üzrə Azərbaycan Premyer Liqasında çıxış edən klubların minifutbol çempionatında təmsil olunmaları müzakirə olunurdu. Lakin hələlik yalnız “Zirə” və “Sumqayıt”da bunu görürük. Digər klubların minifutbol komandalarının yaradılmamasına səbəb nədir?
- Biz bütün klublara məktubla müraciət etmişdik. Bildirmişdik ki, kim istəsə, çempionata qatıla bilər. Biz də federasiya olaraq klublara bu məsələdə kömək etməyə hazırıq. Lakin qeyd etdiyiniz kimi, hələlik yalnız “Zirə” və “Sumqayıt” minifutbol çempionatında təmsil olunur. Digər klubların kənarda qalmasının müəyyən səbəbləri var. Məsələn, “Qəbələ” bildirdi ki, yarışa qatılmaq istəyir. Lakin məsafə uzaq olduğundan nəqliyyat problemi var. “Kəpəz”lə bağlı da müraciət var idi. Onların da yarışda iştirakı müəyyən səbəblərdən alınmasa da, Gəncə çempionatda “Dinamo” komandası ilə təmsil olunur. Bizim üçün vacib olan Premyer Liqadan çox region klublarının iştirakıdır. Düşünürəm ki, Premyer Liqa təmsilçilərin minifutbol çempionatına qatılması üçün bir qədər vaxta ehtiyac var. Zamanla bu məsələ yoluna qoyulacaq. Eləcə də “Qarabağ” və “Neftçi” ilə də söhbətimiz olmuşdu. Yekunda vaxt məsələsinə görə onların da iştirakı baş tutmadı. Mən “Sumqayıt”ın prezidenti Riad Rəfiyevə təşəkkür etmək istəyirəm. Çünki çağırışımıza qoşulan ilk o oldu. Mənə zəng etdi və bildirdi ki, “Sumqayıt”ın da minifutbol çempionatında iştirak etməsini istəyir. Mən bilirəm ki, Riad Rəfiyev hazırda böyük futbola daha çox köklənib. Lakin minifutbolu həm çox sevdiyi üçün, həm də özü minifutbol oynadığı üçün təklifimizi müsbət qarşıladı.
- Qarşıdan Avropa çempionatı gəlir. Ötən mövsüm qitə birinciliyinin qalibi olan milli komandamızın titulunu qoruması nə dərəcədə realdır?
- Bəli, iyunda bizi Bosniya və Hersoqovinada Avropa çempionatı gözləyir. Əvvəl rəqiblər bizə nisbətən qeyri-ciddi yanaşırdılar, bir qədər zəif rəqib gözü ilə baxırdılar. Lakin indi bizə qarşı münasibət daha ciddi, daha kəskindir, tam fərqli yanaşırlar. Bütün bunları nəzərə alaraq bilirik ki, qarşıdakı Avropa çempionatı çox çətin olacaq. Bununla belə, həmişə demişəm ki, bizim göstərdiyimiz qayğı, yaradılan şərait yalnız çempionluğa oynamağı tələb edir. Biz nəyisə ediriksə, ya yaxşı etməliyik, ya da ümumiyyətlə etməməliyik. Ona görə də çempionluqdan başqa heç bir məqsəd ola bilməz.
Elə dünya çempionatında da məqsədimiz birinci olmaq idi. Təəssüf ki, yarımfinalda məğlub olduq. Matçdan sonra paltardəyişmə otağına daxil olanda uşaqların necə məyus olduqlarını gördüm. Nə dərəcədə istəkli olduqlarını həmin anda bir daha anladım. Qalibiyyətin əldən çıxması komandaya çox pis təsir etmişdi. Mən həm də başa düşdüm ki, bu məyusluqdan 1 gün sonra bürünc medal uğrunda oyunda qələbə qazanmaq çətin olacaq. Hətta millimizin baş məşqçisi Elşad Quliyevə də bildirdim ki, sabahkı matça qədər komanda çətin özünə gəlsin.
“ÇOX İSTƏKLİYİK Kİ, NÖVBƏTİ DÜNYA ÇEMPİONATI MƏHZ AZƏRBAYCANDA KEÇİRİLSİN”
- Bir müddət əvvəl yeni dünya reytinqi açıqlanıb və minifutbol millimiz ikinci pilləyə yüksəlib. Bu, Azərbaycan futbolu tarixində rekord göstəricidir. “Zirvəyə qalxmaq asandır, orda qalmaq çətin” deyimini əsas götürsək, dünyada ikinci milli olmaq sizdə əlavə təzyiq yaratmır?
- Əksinə, bu, mənim üçün sevindirici və qürurvericidir. Peşəkar səviyyədə məşğul olmasam da, idmana hər zaman maraq göstərmişəm. Buna görə də ətrafımda həmişə idmançılar olub. Təcrübəmə əsasən deyə bilərəm ki, bu cür məqamlar, nəticələr idmançının motivasiyasını daha da yüksəldir. Yəni bu gün mən dünya reytinqində ikinciyəmsə, daha da irəli gedib sabah birinci ola bilərəm. Ümumiyyətlə, hesab edirəm ki, təzyiqə düşmək peşəkar idmançıya yaraşmır.
- Azərbaycanın növbəti dünya çempionatına ev sahiblik etmək şansı nə dərəcədə realdır?
- Hazırda Dünya Minifutbol Federasiyasından cavab gözləyirik. İnşallah dünya çempionatına ev sahibliyi etmək istəyimizə bu ayın sonuna kimi cavab veriləcək. Müsbət cavab olacağı təqdirdə, hələlik oyunların harada keçiriləcəyi dəqiq bilinmir. Düzdür, Dünya Minifutbol Federasiyası Gimnastika Arenasını bəyənib. Lakin bu, yekun seçim deyil. Oyunların bir deyil, bir neçə arenada keçirilməsi də mümkündür. Müsbət cavab alsaq, müqavilə imzalanacaq və bundan sonra geniş açıqlama verəcəyik. Mundial 2025-ci ilin yayında keçiriləcək. Çox istəkliyik ki, növbəti dünya çempionatı məhz Azərbaycanda keçirilsin.
Bütün bu proseslər federasiyamızın prezidenti Orxan müəllimin tövsiyəsi və tapşırıqları ilə həyata keçirilir. Orxan Məmmədov minifutbolla bağlı bütün prosesləri daim diqqət mərkəzində saxlayır.
“HAKİMLƏRLƏ BAĞLI NARAZILIĞIMI AFFA RƏHBƏRLİYİNƏ DƏ, BAŞ KATİBƏ DƏ BİLDİRMİŞƏM”
- Futbol üzrə Azərbaycan Premyer Liqasında artıq mövsümün ikinci yarısı start götürüb. Geridə qalan müddətdə “Zirə”nin çıxışını necə dəyərləndirirsiniz?
- İlk iki dövrədən razı qaldıq. Komanda qış fasiləsinə ikinci pillədə yollandı. Lakin son oyunlarda bir qədər uğursuzluqla üzləşmişik. Sanki komanda “qara zolaqdadır”, bəxtsizliklə üzləşib, heç cür şansımız gətirmir. Oyun var, komanda üstün çıxış edir, amma sonra qələbə qazanmaq üçün nəsə çatışmır. Yaxud heç nədən qol buraxıb uduzuruq. Komandada hər şey qaydasındadır. Məşqçilər korpusu çalışır, futbolçular çox istəklidirlər. Götürək son turdakı “Qəbələ” oyununu, yaxud “Sabah”la matçı. Hər iki görüşdə komandamız çox yaxşı performans sərgilədi. Lakin qalib gələ bilmirik. Bəxt sanki bizdən üz döndərib. “Qəbələ”nin üzvü mərkəzdən zərbə endirir, top möcüzəvi şəkildə qapıdan keçir. Mən matçı “Qəbələ”nin prezidenti Fariz Nəcəfovla yanaşı izləyirdim. Həmin zərbə zamanı Fariz müəllim qayıtdı ki, “hara vurursan”, mən isə dedim “deyəsən, qoldur”. Həmin anda aramızda belə bir qısa dialoq oldu, bir neçə saniyəlik. Yekunda da elə top gözlənilmədən qapımızdan keçdi. Qəbələdəki görüşdə 90 dəqiqə boyunca hücumda olsaq da, yekunda 1 xal qazandıq. Məncə, tezliklə vəziyyət yaxşıya doğru dəyişəcək.
- Komandanızın uğursuzluğunda hakimlərin nə dərəcədə rolu var?
- Bütün günahları hakimlərin üzərinə yıxmaq olmaz. Lakin bu mövsüm 3-4 oyunda sırf hakim səhvləri ucbatından uduzmuşuq. Desəm ki, komandamıza qarşı hakim səhvləri yoxdur, bu, səhv olar. Hakimlərlə bağlı narazılığımı AFFA rəhbərliyinə də, baş katib Sərxan Hacıyevə də bildirmişəm. Klublar Komitəsinin iclasında da bu barədə danışdım. Bildirdim ki, heç kim “Zirə”nin necə oynamasını müzakirə eləməməlidir. Siz niyə davamlı şəkildə hakim səhvlərinin baş verməsini müzakirə etməlisiniz. Burda söhbət tək “Zirə”dən getmir. Hamımız bilirik ki, digər klublara qarşı da səhvlər olub. Düşünürəm ki, tezliklə bu problem düzələcək. VAR gələndə gözlədik ki, hər şey yaxşı olacaq, lakin əksi baş verdi, vəziyyət daha da pisləşdi. VAR hakimləri daha çox təzyiq altında saxlayır. Psixoloji cəhətdən də hazır olmaq lazımdır. Görürsən ki, hakim bir səhv edir, hərə bir tərəfdən qışqırır. Nəticədə hakim özünü itirir. Mən demirəm onların işi asandır. Hakimləri də çox qınamaq istəmirəm. Amma bəzi səhvlər var ki, açıq-aşkardır. Məsələn, “Səbail”lə çempionat oyununda 100 faizlik penaltimiz verilmədi. Həmin görüşü AFFA Hakimlər Komitəsinin sədri Barış Şimşək də canlı izləyirdi. O da bildirdi ki, penaltidir. Lakin hakim aşkar 11 metrlik cərimə zərbəsini təyin etmədi. Yaxud “Sabah”la oyun olsun, “Qarabağ”la matçda verilməyən qırmızı vərəqələr...
“KLUBLAR KOMİTƏSİNİN İCLASINDA LİMİTLƏ BAĞLI YEKDİL BİR QƏRARA GƏLİNMƏDİ”
- Klublar Komitəsinin iclasında legioner limiti məsələsi də müzakirə olunub. Limitin “8+3”ə dəyişdirilməsi təklif edilib. Siz də bu variantın tərəfdarısınız?
- Müzakirə olundu, lakin yekdil bir qərara gəlinmədi. Yekunda bildirildi ki, hər klub daxildə bu məsələni müzakirə etsin və sonra yekun fikir bildirilsin.
- “Zirə” klubu olaraq siz də limitin “8+3”ə dəyişdirilməsinin tərəfdarısınız?
- Biz bu məsələdə bitərəfik. Deməzdim ki, 100 faiz razıyam, yaxud narazıyam. Daha dəqiq müzakirələr əsnasında yekun qərara gələcəyik. Açığı, bu barədə əsas söz sahibi məşqçilərdir. Onların fikri daha çox önəmlidir. Böyük bir etiraz olmadığını da deməliyəm. İndiki qayda ilə də davam etmək mümkündür. Həm də limit “8+3”ə dəyişdirilsə, bu, müəyyən şərtlər altında olacaq. İndi bu barədə geniş danışmaq istəmirəm. Qərar qəbul olunsa, detallar da açıqlanacaq.
İbrahim CƏFƏROV
Şərh yazılmayıb
|
ŞƏRH YAZ
|
Çox oxunan xəbərlər
- Milli komandamızın yeni baş məşqçisi müəyyənləşib: Mayın əvvəli Bakıya gəlir
- Asif Məmmədov: “Kimsə bunu sübut etsə, üzr istəməyə hazıram”
- AFFA İcraiyyə Komitəsinin üzvü: “Premyer Liqada klub sayının artırılması gündəmdədir”
- Minifutbol millimizin heyəti narazılıqla qarşılandı, baş məşqçi danışmaq istəmədi
- Basketbol federasiyasının diqqətinə: Təhlükəsizliyə bu qədər biganə yanaşmaq olmaz!
- Prezidentin nəvəsindən Qara Qarayevə dəstək
- “Aznur”un baş məşqçisi: “Mənim üçün “Birbaşa Bakı” “Zirə”dən daha narahat rəqibdir”
- Azər Bağırov: “Futbolçular tapşırıqları icra etmirlər”
- Ayxan Abbasov: “Komanda adı çəkmək mənə yaraşmaz, amma bu söhbətlər olacaq”
- Avropa çempionatında möhtəşəm nəticə
- Hakimlər “kimə işləyir”? - Araşdırma
- 90-cı dəqiqədə meydana çıxdı, “Neftçi” - “Araz-Naxçıvan” oyununun ən yaxşısı seçildi
- Klublar Komitəsinin iclası keçirilib
- “Futzaldır, minifutboldur, bizim mentalitetlə “1 nömrə” kimi oynamaq çətindir, o potensial bizdə yoxdur”
- Emin Əmrullayev “Neftçi”ni təbrik edib, AFFA İcraiyyə Komitəsindən danışdı: “Bu nəticəyə görə sevinirik”
-
13:00
“Sumqayıt” “Kəpəz”ə, “Neftçi” “Qarabağ”a qarşı
-
12:31
Azərbaycanın bədii gimnastika millisi Avropa Kubokunda bürünc medal qazanıb
-
12:08
“Qəbələ”nin sabiq baş məşqçisi Renat Dadaşovun klubunda
-
11:52
Tələbə Liqasına yekun vurulub, qaliblər mükafatlandırılıb
-
10:45
"Atletik"dən 2 qol, 2 qırmızı vərəqə VİDEO
-
10:29
"Leypsiq" qələbəni əldən verdi VİDEO
-
10:14
Ozan Canın komandası xalsız qaldı
-
10:00
"Beşiktaş" sonda sevindi VİDEO
-
23:31
Azərbaycanın daha bir gimnastı finala yüksəlib
-
22:15
"Araz-Naxçıvan"ın iki futbolçusu məşqləri bərpa etdi
-
21:43
Azərbaycan Basketbol Liqası: "Sərhədçi" ümumi hesabı bərabərləşdirdi
-
21:30
"Prezident Kuboku - 2024" beynəlxalq reqatasının bağlanış mərasimi keçirilib
-
21:22
Azərbaycan və Monteneqro Gimnastika Federasiyaları arasında anlaşma memorandumu imzalanıb
-
17:59
33-cü turun hakim təyinatları
-
17:07
Azərbaycanı Olimpiya Təsnifat turnirində 9 güləşçi təmsil edəcək
-
16:41
U-17 və U-19 millilərimizin rəqibləri bəlli oldu
-
15:32
Zöhrə Ağamirova Avropa Kubokunda finala yüksəlib
-
15:26
Azərbaycan avarçəkənləri "Prezident Kuboku"nu 9 medalla başa vurublar
-
15:18
Bakıda Avropa çempionatı keçiriləcək
-
15:05
Bakıda məhəllələrarası minifutbol turnirinə yekun vurulub
-
14:53
“Böyük Dəbilqə”: Azərbaycan cüdoçularından uğursuz çıxış
-
14:11
Fərid Qayıbov: “Avarçəkmənin daha yüksək səviyyədə inkişafı üçün əlimizdən gələni edəcəyik”
-
13:34
Rəqibi təpiklə vuran futbolçunun cəzası açıqlandı
-
13:26
AFFA öz futbolçularını təhqir edən baş məşqçini cəzalandırdı
-
13:10
“Turan Tovuz”un müdafiəçisi 4 oyunluq cəzalandırıldı
-
12:47
Bakıda keçirilən atıcılıq üzrə Dünya Kubokunda ilk qaliblər müəyyənləşib
-
12:22
“Baku Open 2024” beynəlxalq şahmat festivalı keçiriləcək
-
12:04
Azərbaycan Kubokunun final oyununa təyinatlar açıqlanıb
-
11:39
Millimizin baş məşqçisi məğlubiyyəti şərh etdi
-
11:16
"Prezident Kuboku-2024": Azərbaycan avarçəkənləri növbəti medalı qazanıblar
-
10:51
I Liqanı tərk edəcək komanda müəyyənləşib
-
10:28
Azərbaycan birinciliyinin final oyunlarının vaxtı müəyyənləşib
-
10:03
"Roma" "Bayer"lə bacarmadı VİDEO
-
09:47
Bakıda bədii gimnastika üzrə Avropa Kuboku start götürüb
-
09:30
"Sumqayıt" "Kəpəz"lə oyuna hazırlaşır FOTOLENT
-
22:21
"Şamaxı" "Zaqatala"ya qalib gəldi VİDEO
-
21:56
Millimiz Belarusa məğlub oldu
-
21:39
“Neftçi” mübarizəni dayandırdı
-
19:44
Bakıda bədii gimnastika üzrə Avropa Kubokunun açılış mərasimi olub
-
19:43
"Prezident Kuboku-2024": Azərbaycan avarçəkənləri günü 1 dəst medalla başa vurublar
-
19:12
"Qaradağ Lökbatan" 3 xalı 3 qolla qazandı VİDEO
-
18:27
“Qaradağ-Lökbatan” və “Şamaxı”dan qələbə
-
18:06
"Prezident Kuboku-2024": Azərbaycanın daha bir avarçəkəni medal qazanıb
-
17:45
Mohammed Kadiri: “Nəinki "Zirə, istənilən rəqibə qalib gələ bilərik”
-
16:38
İspaniyalı baş məşqçi: "Prezident Kuboku”nda iştirak hər bir idmançı üçün yaxşı təcrübə olacaq"
-
16:13
Yüksək Liqada mövsüm başa çatdı
-
15:00
İlk dəfə kata üzrə Azərbaycan birinciliyi keçirilib
-
14:49
"Prezident Kuboku": Azərbaycan avarçəkəni qızıl medal qazandı
-
14:22
"Neftçi" “Qarabağ”la matçın hazırlığını davam etdirir FOTOLENT
-
14:15
Millimizin sabiq üzvü “Əl-İttihad”da