Elhad Nəziri "İnter"dən gedib?

Son 5 oyunda adı "İnter"in "18-liy"inə düşməyən Elhad Nəzirinin komandadan ayrıldığı barədə xəbərlər yayılıb. Gənc müdafiəçi Futbolxeber.az saytına verdiyi açıqlamada klubu tərk etməsi haqda yayılan xəbərə münasibət bildirdi: "Yox, komandanı tərk etməmişəm. Sadəcə olaraq, zədəli olduğum üçün heyətdən kənarda qalırdım. Lənkəranda oyunqabağı məşqdə xəsarət aldım. Zədəm sağaldıqdan sonra bərk xəstələndim. Sanki problemlər üst-üstə gəldi. Amma indi özümü yaxşı hiss edirəm. Neçə gündür ki komandayla birgə məşq edirəm. "İnter"də xoşbəxtəm. İnşallah meydana çıxıb, komandamın uğuru üçün əlimdən gələni edəcəyəm".