Dünya reytinqi: “Qarabağ” irəliləyib, “Neftçi” geriləyib

Beynəlxalq Futbol Tarixi və Statistikaları Federasiyası (IFFHS) klubların yeni dünya reytinqini açıqlayıb.

Futbolxeber.az-ın qurumun saytına istinadən verdiyi məlumata görə, 702 komandadan ibarət 2023-cü ilin yekun siyahısına Azərbaycanın yenə 3 təmsilçisi düşüb.

Ötən ay 84-cü yerdə qərarlaşan “Qarabağ” 73-cü pilləyə yüksəlib. Ağdam təmsilçisinin hesabında 145,5 xal var.

“Neftçi” və “Sabah”da isə geriləyib. “Neftçi” (53,75 xal) 378-ci yerdən 469-cu pilləyə enib. “Sabah” isə (55,5 xal) 391-ciliyi 436-cı pilləyə dəyişib.

Qeyd edək ki, dünya reytinqinə “Mançester Siti” (359 xal) başçılıq edir. “Real” (332 xal) ikincidirsə, Milan “İnter”i (289 xal) isə üçüncü yerdədir.