Lunyov: “İlin əvvəli mənim üçün bərbad idi”

"İlin əvvəli mənim üçün bərbad idi. Bundan pis ola bilməzdi. Amma sonluq yaxşı oldu. Vəziyyətin düzələcəyinə inanırdım. Əlimdən gələni etdim və sevinirəm ki, hər şey yaxşı oldu".

Futbolxeber.az saytının məlumatına görə, bu sözləri "Qarabağ"ın qapıçısı Andrey Lunyov "Matç TV"yə müsahibəsində deyib.

Rusiyalı qolkiper zədəyə görə 2023-cü il üçün özünə yüksək bal verə bilməyəcəyini bildirib: "Zədədən sonra futbola qayıda bildim və bu mənim üçün ən vacib şeydir. Çoxları bu zədənin pis nəticələri ola biləcəyini söyləyirdi, amma xoşbəxtlikdən hər şey yaxşı bitdi. Ona görə də özümə 4+ reytinqi verəcəyəm".

Lunyov 2024-cü ildən gözləntilərini də bölüşüb: "Mən proqnoz vermirəm. Əvvəllər cəhd etdiyim kimi bütün uğursuzluğu özümdən uzaqlaşdırmaq istərdim. Əsas odur ki, zədə olmasın, sağlamlığım qaydasında olsun. Bundan  sonra hər şeyə cəhd edəcəyik".