“Bizim Vüsal İsgəndərli ilə heç bir təmasımız olmayıb”

“Səbail” hazırda Albaniyanın “Eqnatiya” klubunda çıxış edən Vüsal İsgəndərliyə maraq göstərmir.

Futbolxeber.az saytına açıqlamasında bu barədə paytaxt klubunun baş məşqçisi Şahin Diniyev deyib:

“Vüsal İsgəndərli barədə ümumiyyətlə ilk dəfə sizdən eşidirəm. Hazırda o, öz komandasında çıxış edir. Bizim Vüsalla heç bir təmasımız olmayıb”.

Xatırladaq ki, bu günlərdə mətbuatda V.İsgəndərlinin Albaniya klubundan ayrılmaq istəməsi və hazırda ölkə daxilində bir neçə klubla danışıqlar apardığı barədə məlumat yayılmışdı. Həmin kollektivlər arasında "Səbail"in də adı çəkilirdi. 

Azad NURİYEV