"Bu, mənə yaxşı mənada çox təsir etdi"

“İnter” və “Rəvan” klublarının əvəzedici komandaları arasında keçirilən matçda ağır zədədən sonra "bankirlər"in üzvü Fuad Bayramov meydançaya çıxıb. Futbolxeber.az-ın məlumatına görə. təqribən yeddi ay fasilədən sonra F.Bayramov ilk dəfə olaraq oyunda iştirak edirdi. Gənc futbolçu meydana qayıtmasıyla bağlı təəssüratlarını klubun rəsmi saytı ilə bölüşdü: "Meydançaya qayıdan zaman xüsusi hisslər yaşadım. Komanda yoldaşlarım məni alqışlarla qarşıladılar və bu, mənə yaxşı mənada çox təsir etdi. Meydançaya qayıtmaq çox xoş idi. Həmin hissləri sözlə ifadə etmək çox çətindir. Bəli, anlayıram ki, hələ yaxşı oyun formasında deyiləm. Axı uzun zaman itirmişəm, ancaq itirdiklərimi qaytarmaq üçün çox çalışacağam. Fiziki olaraq tam hazıram və meydançada keçirdiyim müddət ərzində hər hansı bir narahatlıq hiss etmədim. Xoşdur ki, debüt matçımda komandaya qalib gəlmək müyəssər oldu. Bu, mənim əhval-ruhiyyəmi daha da yaxşılaşdırdı. Ümid edirəm ki, tez bir zamanda əsas komandanın da heyətində də meydançaya çıxacağam”.

Xatırladaq ki, bu yaxınlarda klub Fuad Bayramovla iki illik müddətinə müqavilə imzalamışdı.