Mais Mənsimov futbolçuları tənqid etdi, komanda üzvləri cərimələndi

Azərbaycan Premyer Liqasının son turunda "Xəzər Lənkəran"ın "Neftçi"yə 1:4 hesabı ilə uduzması klub rəhbərliyinin narazılığına səbəb olub. Bu məqsədlə bu gün "Xəzər Lənkəran"da klubdaxili toplantı keçirilib. Bu haqda Futbolxeber.az saytına Lənkəran klubunun mətbuat xidmətinin rəhbəri Hüseyn Cəbrayıloğlu açıqlama verib. O qeyd edib ki, klub prezidenti Mais Mənsimov toplantı zamanı üzərlərinə düşən hər bir işi gördüklərini, mükafat və maaşlarla bağlı heç bir problemin olmadığını qeyd edib. Bu səbəbdən də komandanın VIII yerdə qərarlaşması klub rəhbərliyini heç cür qane etmir. Toşak və futbolçulardan da bəzilərinin çıxış etdiyi toplantının yekununda futbolçular və məşqçilər korpusuna ciddi xəbərdarlıq edilib, eləcə də komanda üzvləri pul cəzasına məruz qalıb.