2 Mart 2024, Şənbə
“Zirə” itirə-itirə gedir (YENİLƏNİB)
“Sumqayıt” “Kəpəz”ə məğlub oldu
Sezar Meza Kolli "Zirə"yə keçdi
İcraiyyə Komitəsinin qərarları

Ölkə futbolu

Qurban Qurbanov haqqında çəkilən filmdən danışdı: “...uzaqlara getdim”

“Həmişə sırf futboldan danışmışam. Amma bugün filmdən söhbət edirik və ona görə də budəfəki müsahiəm fərqlidir. Filmdə keçdiyim yollar qısa olaraq göstərilir. Lakin mən filmi izlərkən uzaqlara getdim”.

Futbolxeber.az saytının məlumatına görə, bu sözləri “Qarabağ”ın baş məşqçisi Qurban Qurbanov haqqında çəkilən və dünən təqdimatı olan “Stadionlar səssiz olanda” filmi barədə danışarkən deyib.

Təcrübəli mütəxəssis qeyd edib ki, bu film onun məsuliyyətini daha da artırır: “Bu gün müəyyən səviyyəyə gəlib çıxmışıqsa, çalışmalıyıq ki, bunu qoruyub saxlayaq, daha da artıraq. Mənim üçün çox maraqlı oldu. Mən o günləri, hadisələri canlı yaşamışam. İndi də sanki 52 yaşımdan 6-7 yaşım olan vaxtlara qayıtdım və qısa zamanda da geri döndüm”.  

Q.Qurbanov “Stadionlar səssiz olanda” filminin təqdimatının qarşıdakı “Mölde” ilə matçda futbolçularına motivasiya olacağına inandığını bildirib: “İnşallah bu gün izlədikləri filmin futbolçulara faydası olar. Bu gün zalda filmdəki bəzi anları bizimlə birgə yaşayan oyunçular da var idi. Orda olmayan futbolçular isə gördülər ki, qazandığımız uğurlara böyük dəyər verilir. Bəlkə onlar da istəyəcəklər ki, gələcəkdə “Qarabağ” yeni bir tarix yazsın və o olaylarda adları çəkilsin”.

“Filmdə təsvir olunan köməkçiniz Asif Əsgərov idimi” sualını Qurbanov belə cavablandırıb: “Bütün işlərimdə Asif Əsgərov yanımdadır. Yəqin ki, onu təsvir etməyə çalışıblar. Amma mən bu barədə heç kimə məlumat verməmişəm”.

Sonda Q.Qurbanov filmin ona daha çox təsir edən hissələrindən də söz açıb: “Maraqlı hissələr çox oldu. Amma iki hissə mənə daha çox təsir etdi ki, bunlardan birincisi qardaşım Musanın əsgərlikdən gələndən sonra mənim məşqlərimi, oyunlarımı izləməsi idi. Digəri isə 16, yaxud 17 yaşımda, indi dəqiq xatırlamıram, ilk dəfə maaş aldığım epizod idi. Yadımdadır, həmin vaxt 70 manat maaş aldım və stadiondan birbaşa Zaqatala bazarına yollandım və evə 40 manatlıq bazarlıq etdim. Gələrkən evdə təkcə anam var idi. İlk dəfə öz maaşımla evə bazarlıq etmmişdim. Bu hissə mənə çox təsir etdi, anamı xatırladım. Bir anlıq o günlərə qayıtdım”.

Fərəc ASLANOV




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31