Tsxadadze: “Bu, bizim üçün faciədir”

“Oyunun əvvəlinə baxdıqda rahat qələbə qazanmalı idik. Lakin futbolçular müəyyən qədər diqqəti itirdilər, müdafiədə səhvlər buraxdıq. Futbol yalnız hücum deyil, müdfiədən də ibarətdir”. Futbolxeber.az-ın məlumatına görə, bu sözləri “Rəvan”la oyundan sonra “İnter”in baş məşqçisi Kaxaber Tsxadadze deyib. Gürcü mütəxəssis bundan sonra irəli getməli olduqlarını qeyd edib: “Qol vurduqdan sonra taktiki dəyişiklik etdik, müdafiədə stabil oynamağa başladıq. Çox yaxşı oynadıq, çoxlu qol imkanları yaratdıq. Üç qol vurduq, lakin iki qol buraxdıq. Bu, 2-3 top vurduğumuz oyunda bizim üçün faciədir. Bunun üzərində çalışacağıq. Bugünkü oyunda qalib gəlmək vacib idi. Bundan sonra yalnız irəli getməliyik”.