Hafiz Məmmədov: "Dövlət qayğısı olmadan bunu etmək çətindir"

"Bakı"nın prezidenti Hafiz Məmmədov yeniyetmə futbolçuların "Atletiko"nun düşərgəsinə yollanmasına münasibət bildirib. Futbolxeber.az-ın məlumatına görə, H.Məmmədov digər klubların futbolçularını da ölkə xaricinə göndərməyə hazır olduqlarını qeyd edib: "Uzun müddətdir ki, bu layihəni gerçəkləşdirmək arzusunda idik. Əlbəttə, dövlət qayğısı olmadan bunu etmək çətindir. Sevinirik ki, ölkə başçısının apardığı siyəsətə az da olsa, dəstək ola bilirik. Bu məsələdə AFFA prezidenti Rövnəq Abdullayevin də böyük xidmətləri var. Bizim bir çox layihələmiz "Atletiko"nun da istəyi ilə baş tutur. Tədbirdən əvvəl gənclərlə söhbət etdim. Bildirdim ki, siz ulu öndərimiz Heydər Əliyevin əsgərlərisiniz. İnanıram ki, onlar Azərbaycanın bayrağını daima ucaldacaqlar. "Atletiko" ilə əməkdaşlıq özü bir qürurdur. Digər klublarımıza da müraciət edirəm ki, perspektivli futbolçuları varsa, göndərək, gedib, xarici ölkələrdə təhsil alsınlar”.