"Xəzər Lənkəran" Bakıda ilk məşqə çıxdı

Premyer Liqanın XII turu çərçivəsində noyabr 2-də “Neftçi”nin qonağı olacaq “Xəzər Lənkəran” hazırlığını paytaxtda davam etdirir. Futbolxeber.az-ın məlumatına görə, bu gün T.Bəhrəmov adına Respublika stadionunda məşqə çıxan komanda saat yarım ərzində taktiki çalışmaları yerinə yetirib. Heyətdə olan zədəli futbolçulardan Junior Nildo fərdi məşqlə kifayətlənibsə,Vanderson Skarduelli də hazırlığı yarımçıq tərk etməli olub. Braziliyalı müdafiəçi əzələsində olan zədə ona məşqdə sona qədər iştirak etməyə imkan verməyib. Digər zədəli oyunçular - Duqlas Leyte, Zoahir Benouahi və Rasim Ramaldanov komanda ilə birgə məşqlərini davam etdirib. “Xəzər Lənkəran” sabah oyun saatında “Bakcell Arena”da oyunöncəsi son məşqinə çıxacaq.