2023/24 mövsümündə Azərbaycan futbolunda ilk baş məşqçi istefası

I Liqada ilk baş məşqçi istefası baş verib.

Futbolxeber.az saytının məlumatına görə, autsayder "Araz-Saatlı" baş məşqçisi Şəhriyar Məmmədovla bu gün yollarını ayırıb.

Məmmədov vəzifəsindən özü getmək istəyib və istefası klub rəhbərliyi tərəfindən qəbul olunub.

Yeni baş məşqçinin kimliyi hələ dəqiqləşməyib. Buna qarşıdakı günlərdə tam aydınlıq gələcək.

Xatırladaq ki, Məmmədov Saatlı təmsilçisinə Region Liqasında çıxış etdiyi vaxtdan rəhbərlik edirdi. Komanda I Liqaya çox uğursuz başlayaraq ilk 4 turdan sonra 0 xalla sonuncu pillədə qərarlaşıb (Sport24.az).

Əlavə edək ki, bu, nəinki I Liqada, ümumiyyətlə cari mövsüm bütün liqalar nəzərə alınmaqla ilk istefadır.