“Forza Neftçi” stadionu tərk etdi

“Forza Neftçi” azarkeş qrupu “Qarabağ”la oyunun birinci hissəsində stadionu tərk edib.

Futbolxeber.az saytının "Neftçi Arena"da olan əməkdaşının verdiyi məlumata görə, “ağ-qaralar”ın azarkeş qrupunun üzvləri pankart açmaq istəsələr də, buna icazə verilməyib.

Məhz buna etiraz əlaməti olaraq “Forza Neftçi” təxminən birinci hissənin ortasında arenanı tərk edib.

Əldə etdiyimiz məlumata görə, pankartda "Əziz bakılılar və şəhərimizin qonaqları" sözləri yazılıb. 

Xatırladaq ki, “Neftçi Arena”da oynanılan “Neftçi” - “Qarabağ” matçında hazırda 33-cü dəqiqə oynanılır və hesab açılmayıb.

Fərəc ASLANOV