23 Aprel 2024, Çərşənbə axşamı
Boksçumuz ermənini məğlub etdi
Şahin Diniyevdən qələbə şərhi
Tiaqo Silva: “Qələbə haqqımızdır”
“Aznur” və “Birbaşa Bakı” finalda

Ölkə futbolu

“Kəpəz”in qapıçısı: “Təkcə baş məşqçisini günahlandırmaq olmaz”

“Təbii ki, öz meydanında 0:3 hesabı ilə uduzmaq çox pisdir. Özü də ardıcıl üç matçdır ki, doğma divarlar arasında məğlub oluruq”.

Futbolxeber.az saytına müsahibəsində bu sözləri “Kəpəz”in qapıçısı Vladislav Vasilyuçek Premyer Liqanın altıncı turunda “Səbail”ə 0:3 hesabı ilə uduzduqları oyundan sonra deyib.

Belaruslu qolkiper evdə ardıcıl 3 göeüşdə uduzmalarının səbəbini izah edə bilməyib: “Nə baş verdiyini bilmirəm. Şanssızlıq da olur. Güclü komandalara qarşı çıxışımız hardasa alınır. Amma “Səbail”lə görüşdə erkən qollar buraxdıq. Özüm də anlaşılmaz səhvlər edirəm. Qəribədir, bu səhvlərin səbəbini izah etməkdə çətinlik çəkirəm. Halbuki oyunlara yaxşı hazırlaşıram”.

O, “Səbail”ə məlubiyyətdən sonra baş məşqçinin paltardəyişmə otağındakı reaksiyası ilə bağlı bunları söyləyib: “Heç nə danışmadıq. Dedilər ki, bazar günündən sonra məşqdə toplaşacağıq. Onda danışacağıq”.

Vasilyuçek azarkeşlərin istefa şüarı səsləndirməsini belə münasibət bildirib: “Azarkeşlər hər zaman qələbə istəyirlər. 6 tur ərzində cəmi 4 xal toplanışıq, üstəlik, evdə üç oyunda uduzmuşuq. Təbii ki, bu, azarkeşləri razı salacaq nəticələr deyil. Üzərimizdə işləməyə davam edəcəyik. Düşünürəm ki, hər şey yaxşı olacaq. Azarkeşlərin etirazı haqlıdır. Lakin bu vəziyyətdə olmağımıza görə təkcə baş məşqçisini günahlandırmaq olmaz, hamımız günahkarıq”.

29 yaşlı qapıçı “Kəpəz”in Premyer Liqada qalacağına inanır: “Əlbəttə, “Kəpəz” liqada qala bilər. Bütün komandalara qarşı mübarizə aparacağıq. Əlimizdən gələni edəcəyik”.

İbrahim CƏFƏROV, Gəncə




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Aprel 2024
B.eÇ.aÇC.aCŞB
01 02 03 04 05 06 07
08 09 10 11 12 13 14
15 16 17 18 19 20 21
22 23 24 25 26 27 28
29 30