22 Iyul 2024, Bazar ertəsi
"Qarabağ" Cəbəllütariqə yollanır
“Kəpəz”də albaniyalı yarımmüdafiəçi
“Şamaxı” 5 qollu qələbə qazandı
"Neftçi" "Ərzurumspor"la heç-heçə etdi

Ölkə futbolu

Azər Məmmədov: “Vəziyyətdən çıxış yolu tapmalıyıq”

“Bilirdik ki, çətin komandaya qarşı oynayırıq. Çempionat yeni başlayıb. "Səbail" son iki oyunda qələbə qazanmışdı. Bu gün qələbə qalib gəlmək istəyirdik. Bizdən yuxarı pillədə olan komandalara yaxınlaşmağı hədəfləyirdik. Təəssüf ki, məğlub olduq. Bu gün rəqib qələbəyə layiq idi”.

Futbolxeber.az saytının məlumatına görə, bu sözləri “Kəpəz”in baş məşqçisi Azərbaycan Premyer Liqasının VI turunda “Səbail”ə 0:3 hesabı ilə uduzduqları oyundan sonra deyib.

O, komandanın istəksiz göründüyünü vurğulayıb: “Oyunumuz alınmadı. Təhlil edəcəyik. Çatışmayan cəhətlərimiz var. "Neftçi" ilə oyundakı istəyi son matçlarda görə bilmirik. Problemləri kənardan özüm də sezirəm. Araşdırmalıyıq”.

O, azarkeşlərin istefa şüarları səsləndirməsinə də münasinət bildirib: “Açığını desəm, "Kəpəz" azarkeşləri həmişə komandanın yüksəklərdə olmasını istəyib. Futbol oynayanda da bu mərhələdən keçmişəm. Zaman dəyişib. Əvvəlki "Kəpəz"lə indiki arasında böyük fərq var. Öz maliyyə imkanımıza görə ən yaxşısını etməyə çalışırıq. Hər komandada bu vəziyyət olur. Vəziyyətdən çıxış yolu tapmalıyıq. Bu da mənim üzərimə düşür. Çatışmayan cəhətləri düzəltməliyik”.

“Qapıçı səhvlərinin komandaya təsiri necə oldu?” sualını A.Məmmədov belə cavablandırıb: “Qapıçı səhvi futbolçulara təsir edir. Bundan sonra oyunçuların özünə gəlmək ehtimalı az olur. Komanda psixoloji cəhətdən bərpa ola bilmir. Bəli, qırılma nöqtəsi ikinci dəqiqədə buraxılan qol idi. Son üç oyunun ilk hissəsində qol buraxırıq. Gəncədə üç məğlubiyyəti biz də istəməzdik. İnanıram ki, komandanı düzəldəcəyik”.

O, fasilədən qayıdanda çox məyus görünməsinə belə aydınlıq gətirib: “Hesabda geri olmağımıza görə belə idim. Üç oyundur ki, öz səhvlərimizdən qollar buraxırıq. Məni o düşündürürdü. İlk hissədə uduzandan sonra hər oyunda ümidli olmuşam. Fasilədə uşaqlara ürək-dirək verirəm. Sadəcə hələ alınmır”.

“Kəpəz”in çalışdırıcısı Şahin Diniyevin onun müəllimi olduğunu bildirib: “Dünən məşqdə üz-üzə gəldik. Şahin müəllimlə çox isti münasibətim var. O, mənim müəllimimdir. Ondan çox şey öyrənmişəm. Amma bu idmandır. Bu gün mənim qarşımda "Səbail" var idi və istəyirdim ki, onları məğlub edək”.

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Iyul 2024
B.eÇ.aÇC.aCŞB
01 02 03 04 05 06 07
08 09 10 11 12 13 14
15 16 17 18 19 20 21
22 23 24 25 26 27 28
29 30 31