“Qarabağ” qrupdakı rəqiblərlə rəqabət aparacaq gücdədir” - AÇIQLAMA

“Qarabağ”ın qrupundakı rəqiblər zəif komandalar deyil. Onsuz da Avropa Liqasının qrup mərhələsində zəif komanda olmur. Lakin “Qarabağ” bu komandalarla rəqabət aparacaq gücdədir”.

Futbolxeber.az saytına müsahibəsində bu sözləri Məşqçilər Komitəsinin üzvü Yaşar Vahabzadə “Qarabağ”ın UEFA Avropa Liqasındakı şanslarını dəyərləndirərkən deyib.

Təcrübəli mütəxəssis Ağdam klubunun “Bayer Leverkuzen”, “Mölde” və “Hekken”lə görüşlərdə uğur qazanacağına inanır: “Qarabağ” avrokuboklar oyunlarını yüksək səviyyədə keçirir. Komandanın qrupdan çıxmaq şansı var. Hamı "Bayer Leverkuzen"i favorit göstərir. Bundesliqa təmsilçisi qrup qalibi olmağa əsas namizəddi. Lakin ötən il “Frayburq”la qarşılaşmalar da göstərdi ki, “Qarabağ” Bundesliqa təmsilçilərinə qarşı da oynaya bilir”.