Əfran İsmayılov minifutbolda: “Formamı bərpa etmək üçün bu, vacibdir”

“Həmişə istəmişəm ki, minifutbolda özümü sınayım. Baş məşqçiyə mənə təklif göndərdiyi üçün öz təşəkkürümü bildirirəm”.

Futbolxeber.az saytının məlumatına görə, bu sözləri minfutbol üzrə “Zəngəzur” klubunun üzvü olan Əfran İsmayılov deyib.

Millimizin sabiq üzvü “Zəngəzur”a dəstək olmaq üçün əlindən gələni edəcəyini bildirib: “Ölkəmizi avrokuboklarda təmsil edəcək minifutbol klublarının hər birinə uğurlar arzulayıram. “Zəngəzur”un uğurları üçün əlimdən gələni edəcəm. Yaxşı hazırlıq keçməmişik. 2-3 gün vaxtımız olub cəmi. Məşqlərdə bacardıqca fəal şəkildə iştirak etməyə çalışıram. Formamı bərpa etmək üçün bu, vacibdir. Əsas məqsədim komandaya kömək etməkdir. Bütün futbolçular minifutbol çempionatına çox meyillidir”.