“Olimpiya” HİK və “Rakuv”a nisbətdə daha aşağı səviyyəli komandadı”

“Qarabağ”ın avrokuboklarda mübarizəni davam etdirməsi sevindirici haldır. Komanda artıq Konfrans Liqasının qrup mərhələsini təmin edib. “Qarabağ”ın Avropa Liqasının qrupuna vəsiqə qazanmaq şansı yüksəkdir”.

Futbolxeber.az saytına açıqlamasında bu sözləri milli komandamızın məşqçisi Arif Əsədov deyib.

Bu gün UEFA Avropa Liqasının pley-off mərhələsində “Qarabağ”ın səfərdə “Olimpiya”ya qarşı keçirəcəyi oyun barədə fikirlərini bölüşən təcrübəli mütəxəssis Ağdam klubunun uğur qazanacağına inandığını bildirib:

“Qarabağ”ın “Olimpiya” önündə şansı yüksəkdir. Fikrimcə, Sloveniya təmsilçisi HİK və "Rakuv"a nisbətdə daha aşağı səviyyəli komandadı. "Qarabağ" getdikcə öz oyununu tapmağa çalışır. Yeni transferlər də komandaya uyğunlaşırlar. Buna görə də Sloveniya təmsilçisini məğlub etmək üçün "Qarabağ"ın şansı böyükdür. İnanıram ki, Ağdam klubu səfərdən uğurlu nəticə ilə qayıdacaq”.