"Partizan"ın baş məşqçisi: "Futbolçularım meydanı "yırtdılar"

"Partizan"ın baş məşqçisi İqor Dulyay Konfrans Liqasının 3-cü təsnifat mərhələsində "Sabah"ı məğlub edərək pley-offa adlamaları barədə danışıb.

Futbolxeber.az saytının məlumatına görə, Dulyay qələbəni belə şərh edib: "Fantastik ab-hava olmasaydı, buna nail ola bilməzdik. Futbolçular meydanı "yırtdılar". İnanırdım ki, biz mərhələni keçəcəyik. Bu, futbolçuların əməyidir. Oyundan əvvəl danışdığım bütün məşqçilərə, Bata Mirkoviçə, Qordan Petriçə təşəkkür edirəm... Bu, həm də sizin qələbənizdir".

Xatırladaq ki, Bakıdakı ilk matçda "Sabah" 2:0 hesablı qələbə qazanıb. Cavab oyununda isə "Partizan" eyni hesabla qalib gəlib. Əlavə vaxtda qapılara qol vurulmadığından qalib penaltilər seriyasında müəyyənləşib. Serbiya təmsilçisi "Sabah"ı penaltilər seriyasında üstələyib və mərhələ adlayıb - 5:4.