"Sabah" da Konfrans Liqasıyla vidalaşdı

UEFA Avropa Konfrans Liqasında mübarizəni davam etdirən təmsilçilərimiz bu gün turnirin üçüncü təsnifat mərhələsində cavab oyunlarını keçirir.

 

Fubolxeber.az saytının məlumatına görə, “Sabah” Serbiyada "Partizan”ın qonağı olub. "Partizan" stadionunda keçirilən görüşün əsas vaxtı meydan sahiblərinin 2:0 hesablı üstünlüyü ilə yekunlaşıb. Bu komandalar arasında ilk matç "Sabah"ın 2:0 hesablı qələbəsi ilə başa çatıb. Ona görə də cütün qalibinin müəyyənləşməsi üçün görüşdə əlavə vaxta ehtiyac olub. Lakin bu müddət ərzində komandalar fərqlənə bilməyiblər.

 

Matç penaltilər seriyası ilə davam edib. Burada "Partizan" daha dəqiq davranıb - 5:4. Beləliklə, "Sabah" Konfrans Liqasında mübarizəni dayandırıb. 

 

UEFA Konfrans Liqası

 

III təsnifat mərhələsi

 

17 avqust

 

“Partizan” (Serbiya) - “Sabah” (Azərbaycan) - 2:0 (pen - 5:4)

 

Qollar:  Mateus Saldanya, 30 (1:0), Bibras Natxo, 58 (2:0)

 

İlk oyun - 0:2

 

Baş hakim: Bartoş Frankovski (Polşa)

 

Belqrad, "Stadion Partizana"