“Qarabağ”ın vaxta ehtiyacı var”

“Qarabağ” həmişəki kimi gec forma yığır. Komanda şəklində onlar yavaş addım atırlar və formalarını sonadək saxlamağı bacarırlar”.

Futbolxeber.az saytına müsahibəsində bu sözləri AFFA-nın skautu İlqar Qurbanov “Qarabağ”ın yeni mövsümdəki çıxışını dəyərləndirərkən deyib.

O, Ağdam klubunun bəzi transferlərinin özünü doğrultmadığını qeyd edib: “Transfer məsələlərində də diqqətli olmağa çalışırlar. Bəzən çox güclü, bəzən isə zəif legionerlər heyətə clb olunur. Diakabi və Benzia hələ ki özünü doğrultmayıb. “Qarabağ”da sanki nəsilmədəyişmə prosesi gedir. Ona görə də transfer çalışmalarının ləng getməsini normal qəbul edirəm. Komandadakı əksər futbolçuların artıq yaşları artıb, bəziləri futboldan gedib, ona görə komandanı yenidən toplamaq lazımdır. Bunun üçün də əlbəttə, müəyyən vaxta ehtiyac var”.

Azad NURİYEV