"Rakov” Bakıda tarix yaza bilər"

"Niyə mən "Qarabağ"da təcrübə keçməyi seçmişdim? Bilirəm ki, qərbdə təcrübə daha məşhurdur. Almaniya və Fransada olmuşam. Bununla belə, Şərq klubunda işləməyə qərar verdim".

Futbolxeber.az saytının polsatsport.pl-a istinadən verdiyi məlumata görə, bu sözləri polşalı futbol məşqçisi Dariuş Marzeç deyib.

O, "Qarabağ"da təcrübə keçməsindən danışıb. Həmçinin 53 yaşlı mütəxəssis Polşa "Rakov"unun Çempionlar Liqasının 2-ci təsnifat mərhələsində "Qarabağ"la Bakıda keçirəcəyi cavab oyununa da toxunub:

"Qarabağ" qeyri-adi sabitlik nümayiş etdirir. Qurban Qurbanov 15 ildir ki, “Qarabağ”ı çalışdırır. 6 ildir ki, onun texniki heyətində heç bir dəyişiklik olmayıb. Qurban Qurbanov etibarlı insanlarla işləyir. Komandanın heyəti təbii ki, dəyişir, amma hər şey yaxşı düşünülüb. “Qarabağ”ın heyəti 3-4, bəzən 5-6 oyunçudan ibarət onurğa sütunundan ibarətdir. Bu klubda kifayət qədər bərabər keyfiyyətli 22 futbolçu var. Nə dediyimi bilirəm, çünki 1 həftə onların məşqini izlədim və oyunlara əsasən, əvəzedici oyunçu gedən futbolçular məşq zamanı keyfiyyət baxımından əsas oyunçulardan geri qalmırlar. Görürsünüz ki, Qurban Qurbanovun dəqiq fikri var. “Qarabağ” vəziyyətdən asılı olaraq iki sistemlə oynayır: 4-3-3 və ya 4-2-3-1. Demirəm ki, “Qarabağ” rəqibini analiz etmir, amma ən çox öz oyununa güvənir. Öz oyununu rəqib üzərində tətmiq etməyə çalışır. Onlar ildən-ilə əla nəticələr göstərir".

"Rakuv”a sahiblərinin yanaşması da heyranedicidir. Bu, bizim futbolda nadir haldır. Klubun sahibi Sverçevski və komandanın keçmiş məşqçisi 7 il birlikdə işlədi. Ancaq nəzərə almalıyıq ki, Qurban Qurbanov 15 ildir, “Qarabağ”ı çalışdırır. Ardıcıl 9 il avrokubokların qrup mərhələlərində oynamaqları təsadüfi deyil. Bu, təbii ki, maliyyə imkanlarının nəticəsidir, həm də baş məşqçinin ideyalarıdır. “Rakov”la “Qarabağ” arasındakı ilk matçın nəticəsi Polşa klubu üçün yaxşı olsa da, cavab matçının qızğın və həyəcanlı keçəcəyini vəd edir. Qurban Qurbanov Polşaya heç-heçə üçün gəlmişdi, amma alınmadı. Eşitdiyimə görə, "Rakov"a məğlubiyyətə görə “Qarabağ”da heç kim panikaya düşmür. Ötən il "Lex" onları evdə məğlub etsə də (1:0), cavab görüşündə məğlub olmuşdu (1:5). Beləliklə, Polşa çempionunu gələcək həftə həqiqətən həyəcanlı axşam gözləyir. Şvarqanın soyuqqanlı oyunundan və qərarlarından çox şey asılıdır. Şübhəsiz ki, həm Şvarqa, həm də “Rakov” üçün “Qarabağ”la qarşıdakı səfər oyununda hekayə yazıla bilər”, - deyə Marzeç əlavə edib.

Qeyd edək ki, ilk görüşdə "Qarabağ" "Rakov"a 2:3 hesabı ilə uduzub. Cavab oyunu avqustun 2-də Bakı Olimpiya Stadionunda keçiriləcək və saat 20:00-da başlayacaq.