Diniyev braziliyalı müdafiəçini geri qaytarması barədə: “Bundan hər ikimiz udduq”

“2 gün əvvəl heyətimizdə görmək istədiyimiz futbolçulardan biri düşərgəmizə qoşuldu. Braziliyalı müdafiəçi səviyyəli futbolçu olsa da, xroniki zədəsi olduğu aşkarlandı”.

Futbolxeber.az saytına müsahibəsində bu sözləri “Səbail”in baş məşqçisi Şahin Diniyev deyib.

Təcrübəli mütəxəssis bildirib ki, xroniki zədəsi olan futbolçunu komandaya götürməyi düzgün olmazdı:

“Bilirsiniz ki, peşəkar klub olaraq biz heyətimizə qatmaq istədiyimiz futbolçunu ilk növbədə tam müayinədən keçiririk. Braziliyalı müdafiəçinin müayinəsi zamanı məlum oldu ki, xroniki zədəsi var və bu səbəbdən də onunla müqavilə imzalamdıq. 2-3 məşqdən və yaxud 1-2 oyundan sonra bizə xeyir verməyəcəksə, onu heyətə qatmaq mənasız olardı. Düşünürəm ki, bundan hər ikimiz udduq”.