“Bu Dövlət Proqramının təsdiqi Naxçıvan futbolunun inkişafına təsir göstərəcək”

“Araz Naxçıvan”ın bu gün infrastrukturla bağlı problemləri var. Lakin düşünürəm ki, tezliklə Naxçıvan Muxtar Respublikasının rəhbərliyi və klub rəhbərliyi bütün çatışmazlıqları yoluna qoyacaq”.

Futbolxeber.az saytına müsahibəsində bu sözləri “Araz Naxçıvan”ın baş məşqçisi Azər Bağırov deyib.

Mütəxəssis qeyd edib ki, bu yaxınlarda qəbul olunan Dövlət Proqamı Naxçıvan futbolunun inkişafına təsir göstərəcək:

“Naxçıvan Muxtar Respublikası Azərbaycanın ürəyidi. Zəngəzur dəhlizi açıldıqdan sonra ən çox fikir veriləcək bir zona, bölgə olacaq. İnşallah bundan sonra regionda idmanın, futbolun inkişafı üçün şərait yaradılacaq. Həm də bildiyiniz kimi, “Naxçıvan Muxtar Respublikasının sosial-iqtisadi inkişafına dair 2023-2027-ci illər üçün Dövlət Proqramı”nın təsdiq edilib. Bu proqramın Naxçıvan futbolunun inkişafına təsiri olacaq”.

FƏRƏC